Ito ang lugar kung saan ang lahat ng bagay na bumibisita sa aking kaisipan ay inilalapat sa pamamagitan ng pagsusulat.
Ako si Alden, mula sa siyudad ng Valenzuela. Paborito ko ang mga bandang Eraserheads, Franco, Pupil, Sugarfree, Taken By Cars, Typecast, Urbandub, at mga libro na tulad ng Kikomachine Komix, Pugad Baboy, Beerkada, mga libro nina Bob Ong. Eros S. Atalia, Haruki Murakami, Paulo Coelho, Dan Brown, at marami pang iba. Mahilig ako sa cheeseburger, pizza, shawarma, chocolate at iced coffee.
Itong CD lang talaga ng Taken By Cars na Endings Of A New Kind ang balak kong bilhin kahapon. Pero nang mapadaan ako sa National Bookstore eh nakakita ako ng Dekada, ang ika-sampung Beerkada comic strip compilation ni Lyndon Gregorio kaya napabili na rin ako. Syempre bukod pa d’yan ang pagkain ko ng masarap na cheeseburger.
Bukod sa comic strip compilation ng Kikomachine Komix at Pugad Baboy, nangongolekta rin ako ng Beerkada. Para sa mga hindi nakakaalam, ang Beerkada ay isang Tag-Lish comic strip na nilikha ni Lyndon Gregorio at regular na lumalabas sa mga pahayagan ng The Philippine Star. Orihinal na umiikot ang istorya ng Beerkada sa isang grupo ng walong magkakaibigan: Ang torpe boy next door na si Glen Dela Costa, ang hopeless romantic na si Alan Polantoc, ang mataray na si Boopey Valenzuela, ang kikay girl na si Dana Aguila, ang matalinong engot na si Jimmy Goco, ang chickboy na si Bryan Strada, ang nerdy geek oink oink na si Harry Galisaso, at ang aktibistang si Jay Bilasko. Dahil “real-time” ang takbo ng isotrya ng Beerkada, mababasa sa unang apat na libro ang pakikipagsapalaran nila sa magulong mundo ng kolehiyo, at kasunod ang mas malupit pang mundo sa labas ng eskwelahan sa mga sumunod na libro. Marami na ring nadagdag na characters sa Beerkada sa paglipas ng panahon, tulad ni Fe Goco na kasintahan/asawa ni Jimmy at katulad n’yang matalinong engot din, si Andrea “Chompy” na paboritong kagatin ang balikat ng fiance nitong si Glen, si Aling McBeal na may-ari ng sikat at contaminated na sidewalk food stall na “Aristocart”, si Psychocow na official mascot ng Beerkada at isang toro na may suso ng baka, at marami pang iba.
Meron nang sampung libro na available pero wala pa ako nung ika-sampu nila, ang “Dekada”. Meron din silang isang graphic novel na pinamagatang “Go Beerkada: Rise of the Jhologs” pero hindi ko s’ya trip bilhin.
Pampaantok: Beerkada o kaya Pugad Baboy.
Another Beerkada comic strip starring Glenn dela Costa and Jimmy Goco. Benta eh. :p
A Beerkada comic strip by Lyndon Gregorio, starring Bryan Strada. Yuhuhuy! :)))
At ito naman ang latest Beerkada comic strip ni Lyndon. See the difference? :p
Ang kauna-unahang Beerkada comic strip ni Lyndon Gregorio. Circa 1998. :))
Beerkada is a popular comic strip that appears regularly on the The Philippine Star since 1998. Created by Lyndon Gregorio, the strips revolve around an eclectic group of friends as they try to survive college and post-college life.
